बासरीच्या सुरांतून जीवनाचा गोडवा: बासरी साधक योगेश पाटील यांची प्रेरणादायी यात्रा

बासरीच्या सुरांतून जीवनाचा गोडवा: बासरी साधक योगेश पाटील यांची प्रेरणादायी यात्रा

भारतीय संगीताच्या विश्वात बासरीचं स्थान अतिशय खास आहे. बासरीच्या सुरांत भावनांची गहराई, संस्कृतीची अनुभूती आणि आत्म्याची स्पर्शशीलता असते. खान्देशचा सुपुत्र योगेश पाटील यांनी या कलेला एक वेगळंच स्थान दिलं आहे. बासरीच्या प्रचार आणि प्रसारासाठी त्यांची मेहनत हा एक प्रेरणादायी प्रवास आहे.

लालबाग, बऱ्हाणपूर येथे आयोजित केलेल्या मोफत बासरी वादन शिबिरात योगेश पाटील मार्गदर्शन करणार आहेत. पं. हरिप्रसाद चौरसिया आणि पं. विवेक सोनार यांच्याकडून मिळालेलं प्रशिक्षण योगेश पाटील यांच्या हातून बासरीच्या माध्यमातून भारतीय शास्त्रीय संगीताची परंपरा पुढे नेण्याचा प्रयत्न होत आहे. त्यांनी गेल्या अनेक वर्षांपासून खान्देश आणि महाराष्ट्रभर बासरी वादन शिबिरे घेऊन संगीत प्रेमींमध्ये जागरूकता निर्माण केली आहे.

योगेश पाटील यांचा प्रवास फक्त शिबिरे घेण्यापुरता मर्यादित नसून, कलेच्या माध्यमातून समाजाच्या प्रत्येक घटकापर्यंत संगीत पोहोचवण्याचा एक समर्पित प्रयास आहे. “बासरी आणि भारतीय शास्त्रीय संगीत हे जन सामान्यांपर्यंत पोहोचावं,” हाच त्यांच्या कार्याचा मुख्य उद्देश आहे. यासाठी ते निस्वार्थ भावनेने कार्यरत आहेत, ज्यामुळे बासरी वादनाची गोडी लोकांपर्यंत पोहोचत आहे.

योगेश पाटील यांनी आतापर्यंत जळगाव, धुळे, नंदुरबार, पुणे, सातारा, मुंबई आणि रायगडमध्ये अनेक मोफत बासरी वादन प्रशिक्षण दिलं आहे. हर्षल साखरे (अहिल्यानगर), भागवत जाधव (चोपडा), किर्तेश बाविस्कर (पुणे), संदिप घोरपडे (अंमळनेर), लक्ष्मण राजपूत (जळगाव), साईनाथ फुसे (संभाजी नगर), श्रेया गवस (अमेरिका), आणि नितीन चौधरी (हरदा) यांसारखे शिष्य त्यांनी घरी बोलावून प्रशिक्षित केले आहेत. त्यांच्या या अथक परिश्रमामुळे त्यांना मिळालेलं यश ही त्यांच्या कार्याची ओळख आहे.

बासरी साधक योगेश पाटील यांच्या या समर्पणामुळे जळगाव जिल्हा पत्रकार संघ आणि रोटरी क्लब जळगाव यांनी त्यांना सन्मान चिन्ह देऊन गौरवले आहे. हे त्यांचं कार्य समाजासाठी एक नवा प्रेरणास्रोत बनतं आहे.

बऱ्हाणपूर येथील बासरी शिबिराचं आयोजन श्री. नितीन चौधरी यांनी केलं आहे, आणि या उपक्रमात सर्वांनी सहभागी होण्याचं आवाहन केलं आहे. हे शिबिर भारतीय शास्त्रीय संगीताच्या प्रेमींसाठी एक उत्तम संधी आहे, जिथे त्यांनी योगेश पाटील यांच्याकडून बासरी वादनाची गोडी चाखण्याची संधी मिळवू शकतात.

योगेश पाटील यांची ही प्रेरणादायी यात्रा केवळ संगीताची नसून, समाजाच्या हृदयाला भिडणारी आहे. त्यांच्या अथक प्रयत्नांमुळे बासरी वादनाची गोडी अनेकांना समजली आणि त्यांना संगीताचा खरा अर्थ उमगला. बासरीच्या माध्यमातून सामाजिक परिवर्तन घडवण्याचा हा एक अनोखा प्रयोग आहे, जो प्रत्येकाचं मन हलवून जातो.

©️ शब्दांकन:दीपक पवार(संपादक खान्देश माझा