प्रयत्न आणि नशिबाचा मार्ग

प्रयत्न आणि नशिबाचा मार्ग

आपण अनेक वेळा आपल्या जीवनात नशिबावर विश्वास ठेवतो. “जे होईल तेच होईल,” असं म्हणून काही गोष्टी नशिबावर सोडून देतो. कधी काही हवं असतं, पण ते मिळत नाही. तेव्हा आपलं मन म्हणतं, "जाऊ दे, नशिबातच नव्हते." आणि मग आपण त्या गोष्टीला मागे टाकून पुढे जातो. पण हेच विचार आपल्याला कधी कधी थांबवतात. आपल्याला जे हवं असतं, ते साधता येत नाही आणि तेव्हा मन खचून जातं.

सांगायचं म्हणजे, आपलं प्रत्येक प्रयत्न आपल्याला स्वप्नांच्या एक पाऊल जवळ आणतो. जिद्द, चिकाटी आणि अथक परिश्रम हे सर्व आपल्या इच्छाशक्तीला प्रकट करतात. यश प्राप्त करण्यासाठी, नशिबापेक्षा जास्त महत्त्वाचं असतं ते आपलं ठरलेलं ध्येय आणि त्यासाठी केलेली मेहनत. जोपर्यंत आपल्या मनात तीव्र इच्छाशक्ती नसेल, तोपर्यंत नशिब देखील आपल्याला यश देऊ शकत नाही.

यश एक प्रक्रिया आहे. ती फक्त बाह्य घटकांवर अवलंबून नसते. आपल्या प्रयत्नांचे, आपल्या ठरावाचे आणि त्यासाठी घेतलेल्या पावलांचे महत्त्व आहे. नशिब जरी काही प्रमाणात आपल्याला मदत करत असले, तरी तेच आपलं यश ठरवत नाही. यशाच्या शिखरावर पोहोचणं म्हणजे आपल्या प्रयत्नांचीच फळं मिळवणं.

पण अनेक वेळा आपल्याला असं वाटतं की आपले प्रयत्न कधीच पुरेसे नाहीत. कधी कधी थांबावं लागेल असं वाटतं. हाच एक क्षण असतो जेव्हा आपल्याला आपल्या स्वप्नांकडे परत एकवार पाहायला लागतं आणि मनाशी ठरवायला लागतं की "जरी काही अडचणी आल्या तरी, मला ते मिळवायचं आहे." आणि त्या विचारावर विश्वास ठेवून आपली जिद्द जिवंत ठेवणं, हे अत्यंत महत्त्वाचं आहे.

नशिब फक्त संधी देऊ शकतं. पण त्या संधीचा योग्य उपयोग करण्यासाठी आपल्याला आपले प्रयत्न, त्यांची किंमत आणि मेहनत समजून त्यावर विश्वास ठेवून कार्य करावं लागेल. जेव्हा आपले प्रयत्न फळांना गोड करतात, तेव्हा त्यात नशिबाचं एक छोटं, पण महत्त्वाचं योगदान असू शकतं.

आपल्याला हवं असलेलं मिळवण्यासाठी आपल्याला धडपड करणं आणि त्यासाठी आपले प्रयत्न एक ठराविक दिशा ठरवून करणे महत्त्वाचं आहे. अडचणी येत असतील तर त्या अडचणींवर विजय मिळवून, पुन्हा पुन्हा प्रयत्न करत राहणं हा यशाचा खरा मार्ग आहे.

आयुष्यात घडणाऱ्या प्रत्येक प्रसंगाने शिकवणं दिलं पाहिजे की नशिबाच्या सोडलेल्या गोष्टींना आपल्या प्रयत्नांच्या गाठीत बदलून, यशाचं रूप साकारता येतं. जेव्हा आपल्याला हवं असलेलं मिळवले जातं, तेव्हा ते फक्त नशिबाचं दान नसून, आपल्या अथक प्रयत्नांचं एक उत्तम प्रमाण असतं.

यश तुमचं आहे, जर तुम्ही त्यासाठी प्रयत्न करत राहिले, जिद्द ठेवली, आणि त्यासाठी समर्पण दिलं.

© शब्दांकन: दीपक पवार (संपादक) खान्देश माझा