आस्था महिला मंडळ : समाजसेवेचा नवा आदर्श


आस्था महिला मंडळ : समाजसेवेचा नवा आदर्श

पत्रकारिता ही केवळ एक व्यवसाय नाही, तर समाजहितासाठी लढणाऱ्या योद्ध्यांचे कार्य आहे. अन्यायाविरुद्ध आवाज उठवणारे, सत्याला वाचा फोडणारे आणि सामान्य जनतेच्या प्रश्नांना शासनदरबारी पोहोचवणारे पत्रकार लोकशाहीचा खरा आधारस्तंभ आहेत. मात्र, हे करत असताना त्यांना अनेकदा टीका, धमक्या आणि उपेक्षा सहन करावी लागते.

अशा या लोकशाहीच्या चौथ्या स्तंभाचा सन्मान करणे, हे समाजाचे कर्तव्यच आहे. आस्था महिला मंडळाच्या संवेदनशील भगिनींनी हे कर्तव्य ओळखत, निस्वार्थ भावनेने पत्रकारांचा गौरव करून समाजासमोर एक वेगळा आदर्श निर्माण केला आहे.

२९ जानेवारी २०२५ रोजी एरंडोल येथे आस्था महिला मंडळाने शहरातील पत्रकारांचा पुष्पगुच्छ व लेखणी भेट देऊन सत्कार केला. हा सोहळा केवळ औपचारिकता नव्हती, तर पत्रकारांच्या योगदानाची जाणीव ठेवणाऱ्या समाजाचा कृतज्ञतेचा अभिवादन सोहळा होता. विशेष म्हणजे, या कार्यक्रमात कोणताही गाजावाजा नव्हता. प्रसिद्धीची अपेक्षा न ठेवता हा सन्मान अत्यंत साध्या आणि आत्मीयतेने पार पडला.

या कार्यक्रमाला आमदार अमोल पाटील यांच्या धर्मपत्नी मृणालिनीताई पाटील प्रमुख अतिथी म्हणून उपस्थित होत्या, तर अध्यक्षस्थानी ॲड. मोहन शुक्ला होते. यावेळी नंदा शुक्ला यांनी पत्रकारांच्या कार्याबद्दल हृदयस्पर्शी कविता सादर केली, जी प्रत्येकाच्या मनाला स्पर्शून गेली. कार्यक्रमाचे सूत्रसंचालन शोभा साळी यांनी केले, तर प्रास्ताविक शितल चौधरी यांनी केले.

या कार्यक्रमाच्या यशस्वीतेसाठी आस्था महिला मंडळाच्या अध्यक्षा आरती ठाकूर, उपाध्यक्षा नंदा शुक्ला, शोभा साळी, शकुंतला अहिरराव, चंद्रकला जैन, शितल चौधरी, भारती साळुंखे आणि इतर महिला पदाधिकाऱ्यांनी परिश्रम घेतले.

सन्मान स्वीकारताना उपस्थित पत्रकारांच्या डोळ्यांत कृतज्ञतेचे भाव स्पष्टपणे झळकत होते. समाजातील घडामोडी जनतेपर्यंत पोहोचवण्यासाठी अहोरात्र झटणाऱ्या या पत्रकारांना असा सन्मान मिळणे, हे त्यांच्या परिश्रमाची खरी पोचपावती होती.

आजच्या काळात समाजकार्य केवळ प्रसिद्धीसाठी केले जाते, मात्र आस्था महिला मंडळाच्या भगिनींनी निस्वार्थपणे पत्रकारांचा सन्मान करून समाजसेवेचा खरा अर्थ साऱ्यांसमोर उलगडला आहे. त्यांच्या या कार्याला मनःपूर्वक अभिवादन!

सन्मान शब्दांत नसतो, तो कृतीत असतो!

© शब्दांकन: दीपक पवार (संपादक) खान्देश माझा 

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवा हीच श्रद्धा — नंदू हिरालाल चौधरी यांची गोसेवेची वाटचाल

इमेज
सेवा हीच श्रद्धा — नंदू हिरालाल चौधरी यांची गोसेवेची वाटचाल जळगाव जिल्ह्यातील धरणगाव या लहानशा गावात मध्यमवर्गीय कुटुंबात जन्मलेले मा.नंदू हिरालाल चौधरी हे नाव आज गोसेवा आणि भारतीय गोवंश संवर्धन क्षेत्रात एक आदरयुक्त प्रेरणास्त्रोत ठरले आहे. शेतकरी वडिलांच्या कष्टात वाढलेले, साधेपणात संस्कारांचे बीज घेऊन मोठे झालेले मा.चौधरी यांनी आपल्या जीवनाची दिशा लहानपणातच निश्चित केली होती. त्यांचे बालपण कष्टमय होते. घरची आर्थिक परिस्थिती सर्वसामान्य असताना ही, त्यांनी शिक्षण आणि मातापित्यांच्या कर्तव्यांमध्ये संतुलन साधले. शेतीत आई-वडिलांना मदत करत, अभ्यास करत आणि आसपासच्या सामाजिक वास्तवाचा अभ्यास करत मोठे होत असताना त्यांच्या मनात एक दृढ संकल्प निर्माण झाला."घराच्या आणि समाजाच्या उन्नतीसाठी शिक्षणाशिवाय पर्याय नाही." मात्र शिक्षणाइतकाच त्यांच्या मनाचा एक कोपरा गोसेवेच्या पवित्र भावनेने व्यापलेला होता. गायीं विषयी त्यांना लहानपणापासून अपार प्रेम होते. त्यांच्या मनात गोमातेला केवळ जनावर न मानता, ती आपली माय आहे असा श्रद्धेचा भाव होता. गायत्री परिवाराचे बालवयातच लाभलेले संस्क...
अधिक वाचा

"मातीपासून दीपस्तंभापर्यंत – प्रा. डॉ. अनंत चौधरी यांची प्रेरणादायी वाटचाल"

इमेज
"मातीपासून दीपस्तंभापर्यंत – प्रा. डॉ. अनंत चौधरी  यांची प्रेरणादायी वाटचाल"  शेतीची माती, घामाने ओले झालेलं कपाळ आणि डोळ्यांत लपलेलं शिक्षणाचं स्वप्न ही प्रा. डॉ. अनंत लालचंद चौधरी यांची खरी ओळख. चोपडा येथील एका साध्या मध्यमवर्गीय शेतकरी कुटुंबात जन्मलेले डॉ. अनंत सर आज शिक्षणाच्या क्षेत्रात एक तेजस्वी दीपस्तंभ ठरले आहेत. घरात आर्थिक सुबत्तेपेक्षा मेहनत, शिस्त आणि मूल्यांचा वारसा मोठा होता. वडील शेतीमध्ये राबत आणि आई घरकामासह शेतीची जबाबदारी ही निभावत असे. अशा वातावरणात शिक्षणाला फारसा वाव नव्हता, पण डॉ. अनंत सरांनी लहानपणातच ठरवलं होतं."आपलं आयुष्य बदलायचं असेल तर शिक्षणाशिवाय दुसरा पर्याय नाही." आई-वडिलांच्या कामात मदत करत करतच त्यांनी आपलं शिक्षण पूर्ण केलं. अभ्यास, कष्ट आणि चिकाटी या त्रिसूत्रीवर विश्वास ठेवत त्यांनी जीवनाचा प्रवास सुरू केला. त्यांना लहानपणापासूनच शिक्षक होण्याची प्रबळ इच्छा होती. पुस्तकांची ओढ, विद्यार्थ्यांप्रती असलेली आत्मीयता आणि समाजासाठी काही तरी करण्याची प्रेरणा हे सारे गुण त्यांच्या व्यक्तिमत्त्वात अगदी कोवळ्या वयातच रुजले ह...
अधिक वाचा

संकटांना सामोरे जाण्याची कला !

इमेज
संकटांना सामोरे जाण्याची कला – आत्मविश्वासाचा आणि धैर्याचा खरा परीघ आयुष्यात येणाऱ्या संकटांना घाबरून नव्हे, तर आत्मविश्वासाने आणि धैर्याने सामोरे जाण्याची खरी कला काय आहे, हे या भावनिक आणि हृदयस्पर्शी मराठी लेखातून जाणून घ्या. संकटांना सामोरे जाण्याची कला – आत्मविश्वासाचा आणि धैर्याचा खरा परीघ मित्रांनो, आयुष्य हे एक सुंदर प्रवास आहे, पण या प्रवासात काही वळणं अशी येतात, जिथे प्रकाश क्षीण होतो, आणि अंधार गडद होतो. हीच ती वेळ असते – संकटांची. ही संकटं आपल्या क्षमतेची, धैर्याची आणि संयमाची परीक्षा घेत असतात. पण खरा कलाकार तोच असतो, जो या अंधारातसुद्धा स्वतःचं प्रकाशपथ शोधतो. आपल्यापैकी प्रत्येकजण काही ना काही संकटांचा सामना करत असतो – कुणाचं नातं तुटतं, कुणाचा व्यवसाय बुडतो, कुणी जवळचं व्यक्ती गमावतो, तर कुणाच्या मनातले स्वप्नंच कोसळतात. पण एक सत्य आहे – संकटं ही टळत नाहीत, ती स्वीकारावी लागतात. आणि त्यांना सामोरं जाण्याची कला म्हणजेच आपलं खरं सामर्थ्य. कधी-कधी संकटं आपल्याला वाकवतात, पण मोडत नाहीत... माझ्या एका ओळखीचे, शांत स्वभावाचे एक गृहस्थ होते – विनायक काका. आयुष्याच्या...
अधिक वाचा