शास्त्री फार्मसी महाविद्यालयात शिवस्वराज्याचा जागर – राज्यस्तरीय पोवाडा स्पर्धेने भरले अभिमानाचे रंग


शास्त्री फार्मसी महाविद्यालयात शिवस्वराज्याचा जागर – राज्यस्तरीय पोवाडा स्पर्धेने भरले अभिमानाचे रंग

शूरवीरांचा गजर, रणझुंजारांचा जयघोष आणि छत्रपती शिवाजी महाराजांच्या पराक्रमाची गाथा…! अशा उत्साही वातावरणात शास्त्री इन्स्टिटयूट ऑफ फार्मसी, पळसदळ-एरंडोल येथे दि.19 फेब्रुवारी 2025 रोजी शिवजयंतीचा सोहळा थाटात साजरा झाला. छत्रपतींच्या शौर्यगाथेला उजाळा देणाऱ्या राज्यस्तरीय पोवाडा स्पर्धेने या सोहळ्याला एक वेगळेच तेज प्राप्त झाले.

स्वराज्यासाठी आयुष्य वेचणाऱ्या शिवरायांना मानाचा मुजरा करत या भव्य सोहळ्याला अनेक मान्यवरांनी उपस्थिती लावली. एरंडोल मतदारसंघाचे लोकप्रिय आमदार दादासो अमोल चिमणरावजी पाटील, युवासेनेचे जिल्हाप्रमुख श्री.मनोजदादा पाटील (पेहलवान), डी. डी. एस. पी. महाविद्यालयाचे अध्यक्ष दादासो अमित पाटील, माजी नगराध्यक्ष श्री. रमेशसिंग परदेशी, माजी नगरसेवक दादासो डॉ.सुरेश पाटील आदी मान्यवरांनी आपल्या प्रेरणादायी विचारांनी उपस्थितांना भारावून टाकले.

सकाळी छत्रपती शिवाजी महाराजांच्या महाआरतीने कार्यक्रमाची सुरुवात झाली आणि क्षणात वातावरण शिवमय झाले. महाराष्ट्राच्या कानाकोपऱ्यातून आलेल्या स्पर्धकांनी आपल्या ओजस्वी सादरीकरणातून शिवरायांचा पराक्रम उभा केला. प्रत्येक शब्दागणिक, प्रत्येक आवाजी सुरात छत्रपती शिवाजी महाराजांच्या संघर्षाची, पराक्रमाची आणि ध्येयधुंद चळवळीची अनुभूती प्रत्येकाच्या काळजात उतरली.

अत्यंत चुरशीच्या या स्पर्धेत महात्मा गांधी कॉमर्स अँड सायन्स कॉलेज, यावलचे महेश सपकाळे यांनी प्रथम क्रमांक पटकावला. जळगाव शासकीय फार्मसी महाविद्यालयाचे अनिकेत तुपे द्वितीय, तर आर. सी. पटेल फार्मसी महाविद्यालय, शिरपूरच्या कल्याणी बोरसे यांनी तृतीय क्रमांक मिळवला. विजेत्यांना रोख रक्कम, सन्मानचिन्ह आणि प्रमाणपत्र देऊन गौरवण्यात आले. शिवाय खेमचंद पाटील, ऐश्वर्या पाटील आणि विधी पाटील यांना उत्तेजनार्थ पारितोषिकाने सन्मानित करण्यात आले.

या वेळी आमदार दादासो अमोल चिमणरावजी पाटील यांनी विद्यार्थ्यांना शिवरायांचे विचार आत्मसात करण्याचे आवाहन केले. "श्रीमान योगी" या ग्रंथाच्या वाचनाचा सल्ला देत, त्यातील शिकवणी आपल्या आयुष्यात उतरण्याचा संदेश दिला. प्राचार्य डॉ. विजय शास्त्री यांनी शिवरायांची शिस्त आणि ध्येयनिष्ठा कशी उज्ज्वल भविष्याची गुरुकिल्ली ठरू शकते, यावर प्रकाश टाकला.

या कार्यक्रमाच्या यशस्वीतेसाठी संस्थेच्या मा. सचिव सौ. रूपा शास्त्री यांच्या मार्गदर्शनाखाली संपूर्ण नियोजन करण्यात आले. सूत्रसंचालन प्रा. श्रद्धा शिवदे यांनी केले, तर आभार प्रदर्शन प्रा. योगेश्वरी लोहार यांनी मानले. उपप्राचार्य डॉ. पराग कुलकर्णी, प्रा. जावेद शेख, प्रा. मंगेश पाटील, प्रा. राहुल बोरसे आदी शिक्षकांनी विशेष मेहनत घेतली.

हा सोहळा केवळ पोवाड्यांची स्पर्धा नव्हती, तर हा होता छत्रपतींच्या विचारांचा जागर, त्यांच्या प्रेरणेचा नवा उजाळा! शास्त्री फार्मसी महाविद्यालयाच्या प्रांगणात भरलेल्या या शिवसंवाद सोहळ्याने उपस्थित प्रत्येकाच्या हृदयात शिवरायांचे तेज पुन्हा एकदा चेतवले!


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवा हीच श्रद्धा — नंदू हिरालाल चौधरी यांची गोसेवेची वाटचाल

इमेज
सेवा हीच श्रद्धा — नंदू हिरालाल चौधरी यांची गोसेवेची वाटचाल जळगाव जिल्ह्यातील धरणगाव या लहानशा गावात मध्यमवर्गीय कुटुंबात जन्मलेले मा.नंदू हिरालाल चौधरी हे नाव आज गोसेवा आणि भारतीय गोवंश संवर्धन क्षेत्रात एक आदरयुक्त प्रेरणास्त्रोत ठरले आहे. शेतकरी वडिलांच्या कष्टात वाढलेले, साधेपणात संस्कारांचे बीज घेऊन मोठे झालेले मा.चौधरी यांनी आपल्या जीवनाची दिशा लहानपणातच निश्चित केली होती. त्यांचे बालपण कष्टमय होते. घरची आर्थिक परिस्थिती सर्वसामान्य असताना ही, त्यांनी शिक्षण आणि मातापित्यांच्या कर्तव्यांमध्ये संतुलन साधले. शेतीत आई-वडिलांना मदत करत, अभ्यास करत आणि आसपासच्या सामाजिक वास्तवाचा अभ्यास करत मोठे होत असताना त्यांच्या मनात एक दृढ संकल्प निर्माण झाला."घराच्या आणि समाजाच्या उन्नतीसाठी शिक्षणाशिवाय पर्याय नाही." मात्र शिक्षणाइतकाच त्यांच्या मनाचा एक कोपरा गोसेवेच्या पवित्र भावनेने व्यापलेला होता. गायीं विषयी त्यांना लहानपणापासून अपार प्रेम होते. त्यांच्या मनात गोमातेला केवळ जनावर न मानता, ती आपली माय आहे असा श्रद्धेचा भाव होता. गायत्री परिवाराचे बालवयातच लाभलेले संस्क...
अधिक वाचा

"मातीपासून दीपस्तंभापर्यंत – प्रा. डॉ. अनंत चौधरी यांची प्रेरणादायी वाटचाल"

इमेज
"मातीपासून दीपस्तंभापर्यंत – प्रा. डॉ. अनंत चौधरी  यांची प्रेरणादायी वाटचाल"  शेतीची माती, घामाने ओले झालेलं कपाळ आणि डोळ्यांत लपलेलं शिक्षणाचं स्वप्न ही प्रा. डॉ. अनंत लालचंद चौधरी यांची खरी ओळख. चोपडा येथील एका साध्या मध्यमवर्गीय शेतकरी कुटुंबात जन्मलेले डॉ. अनंत सर आज शिक्षणाच्या क्षेत्रात एक तेजस्वी दीपस्तंभ ठरले आहेत. घरात आर्थिक सुबत्तेपेक्षा मेहनत, शिस्त आणि मूल्यांचा वारसा मोठा होता. वडील शेतीमध्ये राबत आणि आई घरकामासह शेतीची जबाबदारी ही निभावत असे. अशा वातावरणात शिक्षणाला फारसा वाव नव्हता, पण डॉ. अनंत सरांनी लहानपणातच ठरवलं होतं."आपलं आयुष्य बदलायचं असेल तर शिक्षणाशिवाय दुसरा पर्याय नाही." आई-वडिलांच्या कामात मदत करत करतच त्यांनी आपलं शिक्षण पूर्ण केलं. अभ्यास, कष्ट आणि चिकाटी या त्रिसूत्रीवर विश्वास ठेवत त्यांनी जीवनाचा प्रवास सुरू केला. त्यांना लहानपणापासूनच शिक्षक होण्याची प्रबळ इच्छा होती. पुस्तकांची ओढ, विद्यार्थ्यांप्रती असलेली आत्मीयता आणि समाजासाठी काही तरी करण्याची प्रेरणा हे सारे गुण त्यांच्या व्यक्तिमत्त्वात अगदी कोवळ्या वयातच रुजले ह...
अधिक वाचा

संकटांना सामोरे जाण्याची कला !

इमेज
संकटांना सामोरे जाण्याची कला – आत्मविश्वासाचा आणि धैर्याचा खरा परीघ आयुष्यात येणाऱ्या संकटांना घाबरून नव्हे, तर आत्मविश्वासाने आणि धैर्याने सामोरे जाण्याची खरी कला काय आहे, हे या भावनिक आणि हृदयस्पर्शी मराठी लेखातून जाणून घ्या. संकटांना सामोरे जाण्याची कला – आत्मविश्वासाचा आणि धैर्याचा खरा परीघ मित्रांनो, आयुष्य हे एक सुंदर प्रवास आहे, पण या प्रवासात काही वळणं अशी येतात, जिथे प्रकाश क्षीण होतो, आणि अंधार गडद होतो. हीच ती वेळ असते – संकटांची. ही संकटं आपल्या क्षमतेची, धैर्याची आणि संयमाची परीक्षा घेत असतात. पण खरा कलाकार तोच असतो, जो या अंधारातसुद्धा स्वतःचं प्रकाशपथ शोधतो. आपल्यापैकी प्रत्येकजण काही ना काही संकटांचा सामना करत असतो – कुणाचं नातं तुटतं, कुणाचा व्यवसाय बुडतो, कुणी जवळचं व्यक्ती गमावतो, तर कुणाच्या मनातले स्वप्नंच कोसळतात. पण एक सत्य आहे – संकटं ही टळत नाहीत, ती स्वीकारावी लागतात. आणि त्यांना सामोरं जाण्याची कला म्हणजेच आपलं खरं सामर्थ्य. कधी-कधी संकटं आपल्याला वाकवतात, पण मोडत नाहीत... माझ्या एका ओळखीचे, शांत स्वभावाचे एक गृहस्थ होते – विनायक काका. आयुष्याच्या...
अधिक वाचा