स्वप्न माझं अस्तित्व !

व्यक्तिमत्व विकास कार्यशाळा भाग ४०

 स्वप्न माझं अस्तित्व !

स्वप्नं म्हणजे काय? काहींना ती फक्त रात्री डोळे मिटल्यावर दिसणाऱ्या काल्पनिक चित्रांसारखी वाटतात, तर काहींसाठी ती फक्त बोलण्यापुरती असतात. पण माझ्यासाठी स्वप्नं म्हणजे माझी खरी ओळख, माझं अस्तित्व!

मी ज्या दिवशी पहिलं स्वप्न पाहिलं, त्याच दिवशी मला समजलं की हे फक्त स्वप्न नाही, तर माझ्या आयुष्याचा मार्ग आहे. पण जगाने मात्र वेगळंच केलं… काहींनी प्रोत्साहन दिलं, तर काहींनी फक्त हसून दुर्लक्ष केलं. "तू हे नाही करू शकत," "हे अशक्य आहे," "तुझी स्वप्नं खूप मोठी आहेत"—असे शब्द नेहमी ऐकायला मिळाले. पण मी थांबलो नाही, कारण मला माहीत होतं की माझी स्वप्नं फक्त कल्पना नाहीत, तर ती माझ्या भविष्याची बीजं आहेत.

लोक माझ्यावर हसले, टोमणे मारले, पण मी प्रत्येक वेळी अधिक ताकदीने उभा राहिलो. कारण माझ्या स्वप्नांवर कोणी हसलं तरी त्यांची किंमत कमी होत नाही. उलट, मी जेव्हा माझ्या स्वप्नांचा पाठलाग करत राहिलो, तेव्हा माझी ओळख अधिक ठळक होत गेली. मी किती ही अडथळे आले तरी लढायचं ठरवलं. कारण मला माहीत होतं – जर मी माझ्या स्वप्नांचा त्याग केला, तर मी माझ्या ओळखीचाही त्याग करेन.

आज मी जिथे आहे, तिथे पोहोचण्यासाठी मला अनगिनत संघर्ष करावे लागले. अपयश आलं, संकटं आली, लोकांनी खूप बोललं, पण मी हरलो नाही. कारण माझी स्वप्नं माझं अस्तित्व आहेत, आणि माझ्या अस्तित्वावर कोणीही हसू शकत नाही.

माझी स्वप्नं माझी ताकद आहेत, माझ्या अस्तित्वाचा आधार आहेत. तीच माझ्या यशाची वाट दाखवतात. म्हणूनच, कोणी काहीही म्हटलं तरी फरक पडत नाही – कारण माझ्या स्वप्नांवर कोणीच हसू शकत नाही, ती माझी ओळख आहेत!

© शब्दांकन: दीपक पवार (संपादक) खान्देश माझा