सुवर्ण सहजीवनाचा तेजस्वी सोहळा : आदर्श जोडप्याला साष्टांग वंदन

सुवर्ण सहजीवनाचा तेजस्वी सोहळा : आदर्श जोडप्याला साष्टांग वंदन

आदरणीय गुरुवर्य अहिरराव सर आणि सौ. आईसाहेब,

आपल्या सहजीवनाच्या सुवर्ण महोत्सवाच्या पावन क्षणी, आम्ही संपूर्ण मनापासून कृतज्ञता, प्रेम आणि शुभेच्छांचे अर्घ्य अर्पण करतो.

पन्नास वर्षांचा हा दीर्घ प्रवास, केवळ दोन जीवांचा नव्हे, तर दोन आत्म्यांचा, दोन संस्कृतींचा आणि दोन स्वप्नांचा एक सुंदर संगम आहे.

गुरुवर्य अहिरराव सरांचे आयुष्य म्हणजे ज्ञान, विचार, प्रगल्भता आणि समाजसेवेची झळाळती ज्योत. संपादन क्षेत्रात साधलेली प्रावीण्यता आणि समाजसेवेतील आपल्या निःस्वार्थ योगदानाने आपण असंख्यांना प्रेरणादायी दीपस्तंभ बनला आहात. आपल्या मनमिळावूपणाने, मितभाषी स्वभावाने व अभ्यासू वृत्तीने आपण समाजाच्या मनात अढळ स्थान मिळवले आहे.

सौ. आईसाहेबांचे मृदु व मायेने ओथंबलेले व्यक्तिमत्त्व म्हणजे घराला, परिवाराला आणि समाजाला एकत्र बांधणारे प्रेमाचे बंधन. त्यांच्या सौम्य हास्याने, मृदु वाणीने व प्रेमळ सहवासाने त्यांनी प्रत्येक नात्यात अमृत ओतले आहे.

या सुवर्णक्षणी आम्ही प्रार्थना करतो की, परमेश्वराच्या आणि आई कुलस्वामिनीच्या आशीर्वादाने आपले आयुष्य निरंतर आनंदी, समृद्ध आणि निरामय राहो. जीवनाच्या प्रत्येक वळणावर नवे आशिर्वाद, नव्या भरभराटीच्या गंधांनी आपल्या वाटा सुगंधित होत राहाव्यात.

आपली समाजसेवा हीच आमच्यासाठी आदर्श व प्रेरणास्त्रोत आहे. भविष्यातही आपल्या हस्ते असेच पवित्र कार्य अविरत घडत राहो, हीच अंतःकरणपूर्वक प्रार्थना.

आपल्या सहजीवनाची सुवर्णगाथा ही नात्याच्या निखळ प्रेमाची, समर्पणाची आणि निष्ठेची अखंड कविता आहे.

आपली जीवनयात्रा जशी आजवर प्रेमाने फुलवलीत, तशीच पुढील वाटचालही सुखसमाधानाने बहरत राहो.

आपल्या तेजस्वी सहजीवनाला आणि स्नेहबंधनाला साष्टांग नमस्कार!

© दीपक पवार (संपादक) खान्देश माझा