माणुसकीचा चेहरा पप्पूभाऊ भावे....!

माणुसकीचा चेहरा पप्पूभाऊ भावे....!

धरणगावच्या मातीत माणुसकीचा जादूई सुगंध आहे, आणि त्या सुगंधाला गोडवा देणारे व्यक्तिमत्त्व म्हणजे पप्पूभाऊ भावे. साधेपणा, प्रामाणिकपणा आणि विशाल हृदय असलेले पप्पूभाऊ, राजकारणाच्या गजबजलेल्या रस्त्यांवर ही नेहमीच आपुलकी, सेवा आणि माणुसकीची झळाळी घेऊन चालले आहेत. त्यांच्या वागण्यातले सौजन्य आणि कार्यातील प्रामाणिकता यांनी त्यांना धरणगावकरांच्या मनात विशेष स्थान मिळवून दिले आहे.

धरणगाव नगरपरिषदेचे माजी नगरसेवक आणि गटनेते म्हणून त्यांनी केलेले कार्य आजही शब्दांपेक्षा जास्त लोकांच्या मनात कोरलेले आहे. पद असो वा नसो, पप्पूभाऊंनी नेहमी जनतेच्या हिताला प्राधान्य दिले. लोकांचा विश्वास आणि आपुलकी हेच त्यांचे खरे राजकीय भांडवल आहे.

पप्पूभाऊ हे अजातशत्रू व्यक्तिमत्त्व म्हणून ओळखले जातात. श्रीमंत वा गरीब, ओळखीचा वा अनोळखी  त्यांच्यासाठी फरक नाही. त्यांच्या घराचा दरवाजा आणि मनाचा दरवाजा दोन्ही नेहमी सर्वांसाठी उघडे असतात. “सरळ हातांनी मदत करणारे पप्पूभाऊ भावे” ही त्यांची खरी ओळख आहे, जी आज ही धरणगावच्या प्रत्येक नागरिकाच्या हृदयात दृढपणे रुजलेली आहे.

त्यांचा साधेपणा म्हणजेच त्यांचे खरे मोठेपण आहे. स्वभाव सौम्य, भूमिकेत ठाम आणि हृदयात माणुसकीचा अथांग सागर असलेले पप्पूभाऊ, बोलण्यात ही नेहमी आपुलकीची झळाळी दाखवतात.

माननीय नामदार गुलाबरावजी पाटील साहेब, पालकमंत्री जळगाव यांच्या विकासदृष्टीशी पप्पूभाऊंची निष्ठा अतूट आहे. त्यांच्या कार्यातून त्यांनी धरणगावच्या विकासाला आकार दिला आहे. पप्पूभाऊंना सत्ता नव्हे, तर सेवा हवी आहे; नावाची लालसा नाही, पण विश्वासाची गरज आहे.

धरणगावच्या प्रत्येक नागरिकाच्या मनात एकच भावना उमटते. “पप्पूभाऊ म्हणजे आपला माणूस, लोकांचा माणूस.” त्यांचे नाव घेताच चेहऱ्यावर हसू उमटते, मनात विश्वास निर्माण होतो. जेव्हा नगराध्यक्षपदाचा प्रश्न येतो, तेव्हा जनतेच्या ओठांवर आपोआप येते “पप्पूभाऊ भावे आरोळी मारताच होकारा देणारा माणूस."

त्यांच्या कामाची साक्ष लोक स्वतः देतात, त्यांच्या स्वभावाची साक्ष सहकारी देतात, आणि त्यांच्या माणुसकीची साक्ष संपूर्ण धरणगाव आजही अभिमानाने देत आहे.

पप्पूभाऊंचे स्वप्न आहे.स्वच्छ, सुंदर, प्रगत आणि एकसंघ धरणगाव. असा धरणगाव, जिथे प्रत्येक नागरिक एकमेकांच्या पाठीशी उभा राहील, जिथे माणुसकीला राजकारणापेक्षा जास्त महत्त्व दिले जाईल, आणि जिथे प्रत्येक निर्णयात जनतेचा आवाज प्रतिबिंबित होईल.

पप्पूभाऊ भावे हे केवळ नाव नाही, तर भावना आहे. जनतेच्या प्रेमाची, विश्वासाची आणि आपुलकीची भावना. त्यांच्या कार्यात सेवा आहे, त्यांच्या स्वभावात माणुसकी आहे, आणि त्यांच्या व्यक्तिमत्त्वात समाजासाठीचं समर्पण आहे.

आज त्यांचा वाढदिवस आहे. या शुभदिनी पप्पूभाऊ भावे यांना वाढदिवसाच्या हार्दिक शुभेच्छा!

© दीपक पवार (संपादक) खान्देश माझा