सत्तेपलीकडचे नेतृत्व लोकनेते बाळासाहेब थोरात...!

सत्तेपलीकडचे नेतृत्व लोकनेते बाळासाहेब थोरात...!

काही व्यक्तिमत्त्वे काळाच्या पल्याड जाऊन समाजाच्या मनात आपले स्थान निर्माण करतात. शब्दांपेक्षा कृतीतून बोलणारे, सत्तेपेक्षा सेवेला महत्त्व देणारे आणि राजकारणात ही माणुसकी जपणारे असे नेतृत्व म्हणजे लोकनेते बाळासाहेब थोरात. त्यांच्या वाढदिवसानिमित्त मन नकळत आदर, कृतज्ञता आणि अभिमानाने भरून येते.

संयमी नेतृत्व, दूरदृष्टी आणि विकासाभिमुख कार्यशैली ही थोरात साहेबांची खरी ओळख आहे. त्यांनी आपल्या दीर्घ राजकीय कारकिर्दीत महसूल, कृषी आणि सहकार यांसारख्या महत्त्वाच्या क्षेत्रांत उल्लेखनीय कामगिरी करून जनतेचा विश्वास संपादन केला.शेतकरी, कष्टकरी, सर्वसामान्य नागरिक यांच्या जीवनात सकारात्मक बदल घडवण्याचा प्रामाणिक प्रयत्न त्यांच्या प्रत्येक निर्णयामागे दिसून येतो.

विशेषतः सहकार क्षेत्रात संगमनेर तालुक्याने राज्यपातळीवर आदर्श निर्माण केला आहे. सहकार म्हणजे केवळ संस्था नव्हे, तर एक सामाजिक चळवळ आहे.ही जाणीव त्यांनी कृतीतून दाखवून दिली. विश्वास, पारदर्शकता आणि लोकसहभाग या मूल्यांवर उभा असलेला संगमनेरचा सहकार आज संपूर्ण महाराष्ट्रासाठी प्रेरणास्थान ठरला आहे, हे त्यांच्या दूरदृष्टीचेच फलित आहे.

थोरात साहेबांचे नेतृत्व शांत आहे, पण प्रभावी आहे. गाजावाजा न करता, प्रसंगानुरूप संयम राखत, योग्य वेळी ठाम भूमिका घेणे ही त्यांची खासियत आहे. म्हणूनच ते केवळ राजकीय नेते न राहता, लोकांच्या हृदयात स्थान मिळवणारे लोकनेते ठरले आहेत.

आज त्यांच्या वाढदिवसानिमित्त, त्यांच्या कार्याला व विचारांना नमन करताना, मनोमन एकच प्रार्थना उमटते.साहेब आपणांस उत्तम आरोग्य, दीर्घायुष्य आणि अशीच लोकसेवेची ऊर्जा लाभो. आपल्या अनुभवाचा, विचारांचा आणि नेतृत्वाचा प्रकाश समाजाला सदैव मार्गदर्शक ठरत राहो.

लोकनेते बाळासाहेब थोरात साहेबांना वाढदिवसाच्या मनःपूर्वक शुभेच्छा!आपले नेतृत्व असेच प्रेरणा देत राहो.

© दीपक पवार (संपादक) खान्देश माझा