आपली सावली,आपली ओळख....!

आपली सावली,आपली ओळख....!

आपल्या आयुष्यात अनेकदा आपण दुसऱ्यांच्या सावलीखाली उभे राहतो. सुरुवातीला ते सुरक्षित वाटते

उबदार, ओळखीचे, आणि थोडे आरामदायक. परंतु, काळ जसजसा जातो, तसतसे जाणवतं की ही सावली आपली नाही. ती दुसऱ्याची आहे. ती फक्त एक छाया आहे, खरी ओळख नाही, आणि नक्कीच आपले स्वप्नांची खरी झळकती नाही.

खरी सावली, खरी छाया, फक्त स्वतःच्या प्रकाशात उभे राहिल्यावरच निर्माण होते. सूर्य तुमच्यावर झळकायला लागल्यावरच तुम्हाला आपली सावली दिसते. जेव्हा आपण स्वतःच्या प्रयत्नांसाठी, स्वतःच्या स्वप्नांसाठी उभे राहतो, तेव्हाच आपण आपली सावली निर्माण करतो.ती सावली फक्त आपलीच असते, आपल्याला उब देते आणि मार्ग दाखवते.

दुसऱ्यांच्या सावलीत राहून आपण फक्त त्यांच्या कहाणीत मिसळतो. आपली स्वतःची कहाणी सुरू करण्यासाठी, थोडे धाडस, थोडा प्रचंड विश्वास आणि स्वतःच्या प्रकाशात उभे राहण्याची तयारी लागते. भीती वाटेल, वादळ येईल, अडथळे येतील.हे नक्कीच आहे. पण लक्षात ठेवा, थंड वाऱ्यात उभे राहणारे झाडच उंच उगवते, उबदार सावलीत फक्त झुकलेले पान टिकते.

आपली सावली स्वतः निर्माण करण्यासाठी दुसऱ्यांच्या सावलीत राहणे थांबवा. स्वतःच्या सूर्याच्या उष्णतेत उभे राहा. तुमची सावली फक्त तुमचीच नाही, ती इतरांना मार्ग दाखवणारीही बनेल.येतो तो दिवस, जेव्हा तुम्ही तुमच्या सावलीत उभे राहाल, आणि तेव्हा जगाला तुमचा प्रकाश दिसेल.

© दीपक पवार (संपादक) खान्देश माझा