शांत संयमी अभ्यासू व्यक्ती: दादासाहेब संजयजी काबरा
एरंडोलच्या बालाजी ऑइल मिल चे संचालक दादासाहेब संजयजी काबरा... नाव उच्चारलं की डोळ्यासमोर उभी राहते एक साधी, शांत, संयमी आणि माणुसकीने ओथंबलेली व्यक्ती. आज त्यांचा वाढदिवस आहे. पण त्यांचं व्यक्तिमत्त्व एवढं विशाल आहे की केवळ वाढदिवसाच्या शुभेच्छांनी त्यांचं महात्म्य मोजता येणार नाही.
दादासाहेबांचं संपूर्ण आयुष्य संयम आणि साधेपणाचं उदाहरण आहे. व्यावसायिक यशाची उंची गाठूनही त्यांच्या मनात कधीही अहंकाराचा लवलेशही आला नाही. कितीही मोठं आव्हान असो किंवा कठीण प्रसंग, त्यांनी नेहमीच शांतपणे विचार करून मार्ग काढला. हे संयमाचं बळ त्यांच्या अभ्यासूपणातून आलं. व्यवसायाचं ज्ञान असो किंवा जीवनाचे धडे, दादासाहेबांनी नेहमीच शिकण्याची वृत्ती जपली.
पण त्यांच्या या सर्व यशामागे एक मोठं कारण आहे – त्यांचं साधेपण आणि दयाळू हृदय. दादासाहेब कधीही कुणाचं मन दुखवत नाहीत. कोणत्याही गरजू व्यक्तीकडे पाहताना त्यांच्या डोळ्यांत आपुलकीचा भाव उमटतो. गोरगरिबांसाठी त्यांचं मन सदैव कळवळतं आणि ते मदतीसाठी तत्पर होतात. गरजूंना मदत करताना त्यांनी कधीही आपलं नाव पुढे केलं नाही, उलट त्यांनी गुप्तपणेच माणुसकीचं ऋण फेडलं.
त्यांच्या साध्या राहणीमानामध्ये एक वेगळंच सौंदर्य आहे. सामान्य माणसांसोबत ते इतक्या सहजतेने मिसळतात की त्यांच्या मनाच्या साधेपणाची जाणीव होते. धनदौलतीच्या झगमगाटातही त्यांनी नेहमी माणुसकीचं मोल जपलं. म्हणूनच ते फक्त व्यवसायिकच नाहीत, तर लोकांच्या मनातील एक आपलेपणाने वावरणारे व्यक्तिमत्त्व आहेत.
आज त्यांच्या वाढदिवसाच्या निमित्ताने, त्यांच्या या अविरत माणुसकीला सलाम! दादासाहेबांना उदंड आयुष्य लाभो आणि त्यांच्या हातून असेच माणुसकीचे, दयाळूपणाचे कार्य सतत घडत राहो, हीच ईश्वरचरणी प्रार्थना.
वाढदिवसाच्या खूप खूप शुभेच्छा, दादासाहेब संजयजी काबरा!
© शब्दांकन: दीपक पवार (संपादक) खान्देश माझा
टिप्पण्या
टिप्पणी पोस्ट करा