निष्ठा,विचार आणि माणुसकीचा संगम मा. गुलाबरावजी वाघ साहेब...!

निष्ठा,विचार आणि माणुसकीचा संगम मा. गुलाबरावजी वाघ साहेब...!

धरणगाव ही केवळ एक नगरी नाही, तर ती परंपरेचा, निष्ठेचा आणि कार्यतत्परतेचा जीवंत श्वास आहे. या भूमीत ज्या मातेनं असंख्य समाजसेवक घडवले, त्या मातीतूनच जन्माला आले आहेत शिवसेनेचे उपनेते, उबाठा गटाचे दृढ नेतृत्व करणारे, जनतेच्या मनावर राज्य करणारे माननीय गुलाबरावजी वाघ साहेब.

गुलाबरावजी वाघ हे नाव घेताच डोळ्यांसमोर उभी राहते ती एक ऊर्जावान, निष्ठावंत, आपुलकीनं ओतप्रोत भरलेली आणि बाळासाहेब ठाकरे यांच्या विचारधारेवर जगणारी व्यक्ती.त्यांचं व्यक्तिमत्त्व म्हणजे कणखरतेचं आणि करुणेचं सुंदर संगम आहे.राजकारणात पद मिळवण्यासाठी नव्हे, तर लोकांच्या मनात स्थान मिळवण्यासाठी झटणारे, आणि आपल्या मातीच्या माणसांसाठी जगणारे हे नेतृत्व म्हणजेच गुलाबरावजी वाघ.

बाळासाहेब ठाकरे यांनी रुजवलेल्या विचारांचा त्यांनी आपल्या मनाशी पक्का पाया बांधला आहे.“शिवसेना ही केवळ पक्ष नाही, ती विचारधारा आहे, ती महाराष्ट्राचं स्वाभिमान आहे” हे त्यांनी आपल्या कृतीतून सिद्ध केलं आहे.उद्धवसाहेब ठाकरे यांच्याबद्दलचा त्यांचा स्नेह, निष्ठा आणि विश्वास हे इतके अखंड आहे की अनेक वादळं, राजकीय घडामोडी, मतभेद आले तरीही गुलाबरावजी वाघ साहेबांनी कधीही आपल्या भूमिकेवर तडजोड केली नाही.

त्यांचं ब्रीदवाक्यच जणू असं “पक्ष एकच, विचार एकच, आणि नेता एकच उद्धव बाळासाहेब ठाकरे!”या एका विचारासाठी त्यांनी आपलं संपूर्ण आयुष्य झोकून दिलं आहे.

त्यांची कार्यपद्धती नेहमी जनतेशी जोडलेली असते. गावागावात, गल्लीबोळात ते कार्यकर्त्यांसोबत खांद्याला खांदा लावून उभे असतात.त्यांच्या नजरेत पक्षाचा प्रत्येक कार्यकर्ता महत्त्वाचा आहे, कारण ते जाणतात. पक्षाचं बळ हृदयात असतं, पदात नाही.अडचणीत असलेला कार्यकर्ता असो, संकटात सापडलेला शेतकरी असो, अथवा न्यायासाठी झगडणारा सर्वसामान्य नागरिक  गुलाबरावजी नेहमी त्यांच्या पाठीशी खंबीरपणे उभे राहतात.

त्यांचं मन खरंच दिलदार आहे.ते प्रत्येकाला आपलं समजतात, प्रत्येकाशी प्रेमानं बोलतात.त्यांच्या चेहऱ्यावर कायम असणारा हसरा भाव, त्यांचं साधं पण प्रभावी व्यक्तिमत्त्व, आणि लोकांशी असलेलं स्नेहाचं नातं हेच त्यांच्या लोकप्रियतेचं खरं रहस्य आहे.

त्यांचा आवाज म्हणजे निर्धाराचा आरोळी,त्यांचा होकार म्हणजे जनतेचा आधार,आणि त्यांचं व्यक्तिमत्त्व म्हणजे बाळासाहेबांच्या विचारांचं जिवंत प्रतीक.

धरणगावच्या जनतेसाठी गुलाबरावजी वाघ हे केवळ एक राजकारणी नाहीत, तर एक आपलेपणानं वागणारे समाजसेवक आहेत.त्यांच्या नेतृत्वाखाली धरणगावात शिवसेनेचा भगवा फडकतो, आणि प्रत्येक शिवसैनिक त्यांच्या मागे अभिमानानं उभा राहतो.ते जिथं उभे राहतात, तिथं निष्ठा आणि विश्वासाचा विजय होतो.

आज त्यांच्या वाढदिवसानिमित्त आपण सर्व शिवसैनिक, कार्यकर्ते आणि नागरिक त्यांना मनःपूर्वक शुभेच्छा देतो.

त्यांच्या आयुष्याचा प्रत्येक क्षण हा जनसेवेला,

पक्षनिष्ठेला आणि महाराष्ट्राच्या उन्नतीसाठी वाहिलेला राहो  हीच सगळ्यांची मनोकामना.

त्यांचे आरोग्य उत्तम राहो, कार्यशक्ती अखंड राहो, आणि उद्धवसाहेब ठाकरे यांच्या मार्गदर्शनाखाली ते असंच शिवसेनेच्या भगव्याला अधिक तेज देत राहोत. हीच बाळासाहेबांच्या विचारांवर चालणाऱ्या प्रत्येक शिवसैनिकाची प्रार्थना.

वाढदिवसाच्या मनःपूर्वक हार्दिक शुभेच्छा, गुलाबरावजी वाघ साहेब!आपलं नेतृत्व असंच प्रेरणादायी,

लोकाभिमुख आणि बाळासाहेबांच्या विचारांनी उजळलेलं राहो.आपल्या कार्यातून महाराष्ट्राच्या प्रत्येक कोपऱ्यात शिवसेनेचं तेज पसरत राहो.

शिवसेनेच्या भगव्याला तेज देणाऱ्या या दिलदार मनाच्या नेत्याला कोट्यवधी शिवसैनिकांकडून वाढदिवसाच्या हार्दिक शुभेच्छा! 

© दीपक पवार (संपादक) खान्देश माझा