गुलाबराव पाटील यांचे पद्मालय येथे गणरायाला साकडे - “माझ्या विजयासह महायुतीचे सरकार येवो!”




गुलाबराव पाटील यांचे पद्मालय येथे गणरायाला साकडे - “माझ्या विजयासह महायुतीचे सरकार येवो!”

पद्मालय/जळगाव दि. २७: महाराष्ट्रातील महायुतीच्या विजयासाठी शिवसेना नेते व मंत्री गुलाबराव पाटील यांनी आज पद्मालय मंदिरात श्री गणेशाच्या चरणी आपल्या विजयाचे साकडे घातले. पद्मालयाच्या पवित्र परिसरात महायुतीचे कार्यकर्ते आणि पदाधिकारी मोठ्या संख्येने एकत्र आले होते. गणरायाच्या पवित्र चरणी गुलाबराव पाटील यांनी साकडे घातले की, “जनतेच्या आशीर्वादाने आणि बाप्पाच्या कृपेने माझा विजय नक्की होईल, आणि राज्यात महायुतीचे सरकार येईल.” या शब्दांत त्यांनी आपला दृढ विश्वास व्यक्त केला.

हे मंदिर अडीच पीठापैकी एक म्हणून मान्यता पावलेले असल्याने गुलाबराव पाटील यांनी येथे दर्शन घेऊन आरती केली आणि प्रचाराचा शुभारंभ केला. सहाव्या वेळेस निवडणूक लढणाऱ्या पाटलांनी आपल्या कार्यकाळात मतदारसंघात केलेल्या विकासकामांवरच ही निवडणूक लढवणार असल्याचे सांगितले. “महायुतीच्या सरकारच्या काळात महाराष्ट्राच्या विकासाची गंगा वाहिली असून मतदारसंघातील प्रगती हेच माझ्या प्रचाराचे मुख्य कारण आहे,” असे त्यांनी सांगितले. या निवडणुकीत महायुतीला राज्यात १८० पेक्षा जास्त जागा मिळतील, असा विश्वासही त्यांनी यावेळी प्रकट केला.

महायुतीचे पदाधिकारी व कार्यकर्त्यांची प्रचंड मांदियाळी

या सोहळ्याला महायुतीच्या अनेक मान्यवरांची उपस्थिती होती. भाजपा जिल्हाध्यक्ष ह. भ. प. ज्ञानेश्वर महाराज जळकेकर, सेनेचे जिल्हाप्रमुख निलेश पाटील, मागासवर्गीय सेनेचे जिल्हाध्यक्ष मुकुंदराव नन्नवरे, महिला जिल्हाप्रमुख सरिताताई माळी-कोल्हे, अनिल अडकमोल, पवन सोनवणे आणि तालुक्यातील विविध पदाधिकारी या सर्वांनी कार्यक्रमास हजेरी लावली. गुलाबराव पाटील यांच्या आगमनानंतर कार्यकर्त्यांनी “गणपती बाप्पा मोरया,” “गुलाबराव पाटील आगे बढो,” “बाळासाहेबांचा विजय असो,” आणि “महायुतीचा विजय असो” अशा जोरदार घोषणा देत परिसर दणाणून सोडला.

यावेळी जिल्हा परिषद सदस्य पवन सोनवणे, गोपाल चौधरी, उपजिल्हाप्रमुख अनिल भोळे, पी. एम. पाटील, रवी कापडणे, तालुकाप्रमुख डी. ओ. पाटील, विधानसभा क्षेत्र प्रमुख संजय पाटील सर, भाजपचे तालुका अध्यक्ष हर्षल चौधरी, हर्षल पाटील, राष्ट्रवादी काँग्रेसचे अरविंद मानकरी, भाजप महिला तालुकाध्यक्ष रेखाताई पाटील, सेनेच्या तालुका प्रमुख पुष्पाताई पाटील, भारतीताई चौधरी, जळगावचे माजी नगरसेवक गणेश सोनवणे, कुंदन काळे, अजय पाटील, दिलीप पोकळे, कैलास चव्हाण, जिल्हा उपाध्यक्ष राजू सोनवणे, राजेंद्र पाटील, हर्षल पाटील आणि जळगाव-धरणगाव तालुक्यातील अनेक महायुतीचे कार्यकर्ते व पदाधिकारी मोठ्या संख्येने उपस्थित होते.

कार्यक्रमातील उत्साहपूर्ण वातावरणात गुलाबराव पाटील यांनी आपल्या समर्थकांमध्ये आत्मविश्वास निर्माण केला आणि जनतेच्या आशीर्वादाने महायुतीचे सरकार स्थापन करण्याचा निर्धार व्यक्त केला.


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवा हीच श्रद्धा — नंदू हिरालाल चौधरी यांची गोसेवेची वाटचाल

इमेज
सेवा हीच श्रद्धा — नंदू हिरालाल चौधरी यांची गोसेवेची वाटचाल जळगाव जिल्ह्यातील धरणगाव या लहानशा गावात मध्यमवर्गीय कुटुंबात जन्मलेले मा.नंदू हिरालाल चौधरी हे नाव आज गोसेवा आणि भारतीय गोवंश संवर्धन क्षेत्रात एक आदरयुक्त प्रेरणास्त्रोत ठरले आहे. शेतकरी वडिलांच्या कष्टात वाढलेले, साधेपणात संस्कारांचे बीज घेऊन मोठे झालेले मा.चौधरी यांनी आपल्या जीवनाची दिशा लहानपणातच निश्चित केली होती. त्यांचे बालपण कष्टमय होते. घरची आर्थिक परिस्थिती सर्वसामान्य असताना ही, त्यांनी शिक्षण आणि मातापित्यांच्या कर्तव्यांमध्ये संतुलन साधले. शेतीत आई-वडिलांना मदत करत, अभ्यास करत आणि आसपासच्या सामाजिक वास्तवाचा अभ्यास करत मोठे होत असताना त्यांच्या मनात एक दृढ संकल्प निर्माण झाला."घराच्या आणि समाजाच्या उन्नतीसाठी शिक्षणाशिवाय पर्याय नाही." मात्र शिक्षणाइतकाच त्यांच्या मनाचा एक कोपरा गोसेवेच्या पवित्र भावनेने व्यापलेला होता. गायीं विषयी त्यांना लहानपणापासून अपार प्रेम होते. त्यांच्या मनात गोमातेला केवळ जनावर न मानता, ती आपली माय आहे असा श्रद्धेचा भाव होता. गायत्री परिवाराचे बालवयातच लाभलेले संस्क...
अधिक वाचा

"मातीपासून दीपस्तंभापर्यंत – प्रा. डॉ. अनंत चौधरी यांची प्रेरणादायी वाटचाल"

इमेज
"मातीपासून दीपस्तंभापर्यंत – प्रा. डॉ. अनंत चौधरी  यांची प्रेरणादायी वाटचाल"  शेतीची माती, घामाने ओले झालेलं कपाळ आणि डोळ्यांत लपलेलं शिक्षणाचं स्वप्न ही प्रा. डॉ. अनंत लालचंद चौधरी यांची खरी ओळख. चोपडा येथील एका साध्या मध्यमवर्गीय शेतकरी कुटुंबात जन्मलेले डॉ. अनंत सर आज शिक्षणाच्या क्षेत्रात एक तेजस्वी दीपस्तंभ ठरले आहेत. घरात आर्थिक सुबत्तेपेक्षा मेहनत, शिस्त आणि मूल्यांचा वारसा मोठा होता. वडील शेतीमध्ये राबत आणि आई घरकामासह शेतीची जबाबदारी ही निभावत असे. अशा वातावरणात शिक्षणाला फारसा वाव नव्हता, पण डॉ. अनंत सरांनी लहानपणातच ठरवलं होतं."आपलं आयुष्य बदलायचं असेल तर शिक्षणाशिवाय दुसरा पर्याय नाही." आई-वडिलांच्या कामात मदत करत करतच त्यांनी आपलं शिक्षण पूर्ण केलं. अभ्यास, कष्ट आणि चिकाटी या त्रिसूत्रीवर विश्वास ठेवत त्यांनी जीवनाचा प्रवास सुरू केला. त्यांना लहानपणापासूनच शिक्षक होण्याची प्रबळ इच्छा होती. पुस्तकांची ओढ, विद्यार्थ्यांप्रती असलेली आत्मीयता आणि समाजासाठी काही तरी करण्याची प्रेरणा हे सारे गुण त्यांच्या व्यक्तिमत्त्वात अगदी कोवळ्या वयातच रुजले ह...
अधिक वाचा

संकटांना सामोरे जाण्याची कला !

इमेज
संकटांना सामोरे जाण्याची कला – आत्मविश्वासाचा आणि धैर्याचा खरा परीघ आयुष्यात येणाऱ्या संकटांना घाबरून नव्हे, तर आत्मविश्वासाने आणि धैर्याने सामोरे जाण्याची खरी कला काय आहे, हे या भावनिक आणि हृदयस्पर्शी मराठी लेखातून जाणून घ्या. संकटांना सामोरे जाण्याची कला – आत्मविश्वासाचा आणि धैर्याचा खरा परीघ मित्रांनो, आयुष्य हे एक सुंदर प्रवास आहे, पण या प्रवासात काही वळणं अशी येतात, जिथे प्रकाश क्षीण होतो, आणि अंधार गडद होतो. हीच ती वेळ असते – संकटांची. ही संकटं आपल्या क्षमतेची, धैर्याची आणि संयमाची परीक्षा घेत असतात. पण खरा कलाकार तोच असतो, जो या अंधारातसुद्धा स्वतःचं प्रकाशपथ शोधतो. आपल्यापैकी प्रत्येकजण काही ना काही संकटांचा सामना करत असतो – कुणाचं नातं तुटतं, कुणाचा व्यवसाय बुडतो, कुणी जवळचं व्यक्ती गमावतो, तर कुणाच्या मनातले स्वप्नंच कोसळतात. पण एक सत्य आहे – संकटं ही टळत नाहीत, ती स्वीकारावी लागतात. आणि त्यांना सामोरं जाण्याची कला म्हणजेच आपलं खरं सामर्थ्य. कधी-कधी संकटं आपल्याला वाकवतात, पण मोडत नाहीत... माझ्या एका ओळखीचे, शांत स्वभावाचे एक गृहस्थ होते – विनायक काका. आयुष्याच्या...
अधिक वाचा