धरणगाव येथील पोलीस उपनिरीक्षक संतोष पवार साहेब यांची प्रेरणादायी यशोगाथा

धरणगाव येथील पोलीस उपनिरीक्षक संतोष पवार साहेब यांची प्रेरणादायी यशोगाथा

काही व्यक्ती त्यांच्या संघर्षामुळे समाजात एक वेगळा आदर्श निर्माण करतात. संतोष काशिनाथ पवार साहेब हे त्यातले एक विशेष उदाहरण आहेत. त्यांच्या यशाची गाथा केवळ त्यांच्या मेहनतीचीच नाही, तर त्यांच्या कुटुंबातील प्रेम, त्याग आणि एकजुटीची ही आहे. एक सामान्य कुटुंबातून पोलीस उपनिरीक्षक पदावर पोहोचण्याचा त्यांचा प्रवास अनेकांना प्रेरणा देतो.

संतोष पवार यांचा जन्म मोरगे वस्ती, वॉर्ड नो -7, श्रीरामपूर, जिल्हा -अहिल्यानगर मध्ये झाला. त्यांच्या वडिलांचा व्यवसाय टेलरिंगचा होता, आणि त्यांनी आपल्या कुटुंबाच्या भल्यासाठी सर्व काही केले. परिस्थिती जरी सामान्य असली, तरी त्यांच्या वडिलांनी आपल्या मुलींच्या शिक्षणाकडे नेहमी लक्ष दिलं. चार मुली आणि एकुलता एक मुलगा असलेल्या कुटुंबात, काशिनाथ पवारांनी मुलींच्या शिक्षणासाठी जिद्द आणि श्रमाला थांबा दिला नाही.

त्यांच्या पत्नीच्या अकाली निधनानंतर कुटुंबाची जबाबदारी वडीलांवर आली, पण त्यांनी संकटातही हार मानली नाही. त्यांनी मुलींच्या शिक्षणाची काळजी घेतली. ज्योती शिक्षिका बनली, सुनीता पोलीस सेवेत रुजू झाली, तर इतर मुलींचे जीवन यथावत राहिले. त्यांच्या कुटुंबाच्या एकतेत आणि प्रेमात एक अपार सामर्थ्य होतं.

संतोष पवार, आपल्या कुटुंबाचे एकुलते एक पुत्र, खूप मेहनती होते. दहावीनंतर शाळा सोडून त्यांनी सुतारकाम, मजुरी आणि जीम ट्रेनर म्हणून विविध कामे करून आपल्या वडिलांना आर्थिक मदत केली. त्यांच्या मोठ्या बहिण ज्योतीताईंनी त्यांना शिक्षणाचे महत्त्व पटवून दिलं आणि संतोष पवारांनी पुन्हा शिक्षण घेण्याचा निर्णय घेतला.

अशोकनगर महाविद्यालयात वाणिज्य शाखेत प्रवेश घेतल्यानंतर साहेबांनी बारावीच्या परीक्षेत प्रथम क्रमांक मिळवला. हे त्यांचे यशाचे पहिलं पाऊल ठरलं. 2014 पासून स्पर्धा परीक्षांच्या तयारीसाठी त्यांनी कठोर मेहनत सुरू केली. आर्थिक अडचणींचा सामना करावा लागला, पण त्यांच्या बहिणींच्या मदतीने त्यांनी हे सर्व जुलमी अडथळे पार केले.

संतोष पवार साहेब पुण्यात जाऊन स्पर्धा परीक्षांचा अभ्यास करू लागले. त्या काळात त्यांच्या बहिणींच्या सहकार्यामुळे त्यांनी सर्व कठीण परिस्थितीत टिकून राहण्याचा प्रयत्न केला. क्लासमध्ये लेखनाचे काम करून त्यांनी आर्थिक परिस्थिती सुधारली. अखेर, त्यांची मेहनत फळाला आली आणि त्यांनी PSI पदाच्या परीक्षा तिसऱ्या प्रयत्नात उत्तीर्ण केले.

आज संतोष पवार साहेब अभिमानाने सांगतात की त्यांच्या यशात त्यांच्या वडिलांचे, बहिणींचे, आणि मेहुण्यांचे आणि मित्रांचं सहकार्य अनमोल आहे. पवार कुटुंबाने दाखवून दिलं की प्रेम आणि एकतेच्या आधारे कोणतीही समस्या पार करणे शक्य आहे. त्यांच्या संघर्षाने स्पष्ट केलं की, परिस्थिती कितीही प्रतिकूल असली तरी, कुटुंबाच्या प्रेमाने आणि निर्धाराने सर्व अडथळे पार करता येतात.

आजच्या पुरुषप्रधान संस्कृतित पवार कुटूंबातील मुली म्हणजे दिव्याच्या प्रकाशासाठी झटणाऱ्या पणत्यांचं उदाहरण आहे, ज्यांनी स्वतःचं अस्तित्व जाळून भावाचं आयुष्य उजळवलं. त्यांचा संघर्ष, त्याग आणि कुटुंबातील प्रेम ही समाजाला एक प्रेरणा देणारी कथा आहे. या यशामुळे प्रत्येकाला शिकता येईल की, प्रेम, शिक्षण आणि कष्ट हेच जीवनातील खरे आधार आहेत.

संतोष पवार साहेबांच्या यशाची गाथा हा एक मार्गदर्शक उदाहरण आहे, ज्यावर चालल्यास आपल्याला यशाचे शिखर गाठता येईल. त्यांच्या व्यक्तिमत्त्व आणि संघर्षामुळे त्यांनी आपल्या आजूबाजूच्या समाजासाठी एक आदर्श निर्माण केला आहे, जो प्रत्येकाला प्रेरित करतो. संतोष पवार साहेबांच्या जीवनातील यशोगाथा प्रत्येकाच्या मनात उमठेल अशी आहे, आणि ते त्यांच्या कुटुंबाच्या कष्ट, प्रेम, आणि एकतेचा प्रतीक बनले आहेत.

हे लक्षात ठेवायला हवं की संघर्षातूनच यशाची गाथा लिहिली जाते, आणि यश प्राप्त केल्यानंतर देखील माणसाने त्याचे पाय जमिनीवर ठेऊनच सर्वसामान्य जनतेची कामे केली पाहिजे असे संतोष पवार साहेब यांचे मत आहे. त्यांच्या यशाचा प्रकाश इतरांच्या जीवनातही वाटल्या जावा, हीच खरी प्रेरणा आहे.

© शब्दांकन: दीपक पवार (संपादक) खान्देश माझा