विशाल छबिलाल चौधरी: संघर्ष, जिद्द, आणि यशाची प्रेरणादायी गाथा

विशाल छबिलाल चौधरी: संघर्ष, जिद्द, आणि यशाची प्रेरणादायी गाथा

प्रत्येक साध्या कुटुंबात जन्मलेल्या व्यक्तीची एक अशी कहाणी असते जी कधी संघर्षांची, कधी कष्टांची, तर कधी स्वप्नांच्या उडण्याची असते. जळगाव शहरातील विशाल छबिलाल चौधरी यांच्या जीवनाची कथा देखील अशीच आहे. एक सामान्य कुटुंब, त्यात अचानक आलेलं आर्थिक संकट, पण त्या संकटातून मार्ग काढण्यासाठी कुटुंबाच्या एकजुटीने उभारलेला संघर्ष आणि त्या संघर्षातून मोठं यश मिळवण्याची त्यांची जिद्द, हे सारं त्यांच्या आयुष्याला एक वेगळं वळण देऊन जातं.

विशाल यांचे वडील एका कंपनीत काम करत होते. त्याच कंपनीने काम बंद केल्यामुळे कुटुंबावर मोठं संकट आलं. परिस्थिती हाताळण्यासाठी त्यांच्या वडिलांनी जे काम मिळेल ते स्वीकारलं, तर त्यांच्या आईने घर सांभाळण्यासाठी ट्युशन घेण्यास सुरुवात केली. आई-वडिलांनी केलेले कष्ट आणि त्याग विशाल यांच्या मनावर लहानपणा पासूनच खोलवर परिणाम करत होते. त्या छोट्या वयातच त्यांनी ठरवलं होतं की आपण या परिस्थितीतून कुटुंबाला बाहेर काढायचं आणि आपल्या आई-वडिलांना अभिमान वाटेल असं काही तरी करायचं.

त्यांच्या जीवनात शिक्षण हीच त्यांना संकटातून बाहेर काढणारी वाट होती. त्यांनी शिक्षणाला प्राधान्य दिलं आणि कोणत्याही संकटाला संधी मानून त्यातून शिकण्याचा प्रयत्न केला. अभ्यासासाठी दिवस-रात्र मेहनत करत त्यांनी सॉफ्टवेअर इंजिनिअरिंगच्या क्षेत्रात आपली एक स्वतंत्र ओळख निर्माण केली. त्यांच्या कठोर परिश्रमाचा आणि ध्येयावर स्थिर राहण्याच्या जिद्दीचा परिणाम म्हणजे आज ते अमेरिकेतील एका नामांकित कंपनीत सॉफ्टवेअर इंजिनिअर म्हणून यशस्वीपणे कार्यरत आहेत.

विशाल यांची पत्नी, डॉ. स्मृती उर्फ अनन्या, या देखील एक यशस्वी डॉक्टर आहेत आणि अमेरिकेत आपलं करिअर घडवत आहेत. विशाल आणि त्यांच्या पत्नीने एकत्रितपणे आपल्या कुटुंबासाठी एक नवीन आणि यशस्वी अध्याय लिहिला आहे. त्यांचं यश म्हणजे त्यांच्या संघर्षांचं मूर्त स्वरूप आहे.

विशाल छबिलाल चौधरी यांची कथा हे शिकवते की, परिस्थिती कितीही कठीण असली तरीही कष्ट, जिद्द, आणि स्वतःवरचा विश्वास यामुळे आपण आपलं आयुष्य बदलू शकते.त्यांच्या जीवनातून प्रेरणा घेत प्रत्येकाने आपल्या आई-वडिलांच्या कष्टांची कदर करायला हवी, त्यांच्या स्वप्नांना आपल्या यशाने साकार करायला हवं.

त्यांचे जीवन हे केवळ त्यांच्यासाठी नाही तर समाजातील प्रत्येक तरुणासाठी प्रेरणा आहे. त्यांनी दाखवून दिलं की, संकटं कितीही मोठी असली तरी त्यांच्यावर मात करून यशाचं शिखर गाठता येतं. संघर्ष हा कधीही अपयशाचं प्रतीक नसतो; तो यशाच्या दिशेने उचललेलं पहिलं पाऊल असतो. विशाल यांची जिद्द, त्यांचा आत्मविश्वास, आणि कुटुंबासाठीचं निस्सीम प्रेम ही त्यांची खरी ताकद आहे.

या प्रेरणादायी प्रवासातून मिळालेली शिकवण आपल्याला नेहमी सांगत राहते – कष्ट आणि जिद्द हीच यशाची गुरुकिल्ली आहे.

© शब्दांकन: दीपक पवार(संपादक) खान्देश माझा