"वैभव प्रभाकर महाजन: संघर्षाच्या कडवटातून उगवलेली यशाची शिखर"


"वैभव प्रभाकर महाजन: संघर्षाच्या कडवटातून उगवलेली यशाची शिखर"


वैभव प्रभाकर महाजन हे नाव आज लोकांच्या मनात आदराने घेतले जाते. उत्राण या लहानशा गावातून आपल्या प्रवासाला सुरुवात करून त्यांनी जे कर्तृत्व गाजवलं, ते नक्कीच प्रेरणादायी आहे. साध्या कुटुंबात जन्मलेल्या वैभव यांनी आपल्या जीवनाला एका वेगळ्या मार्गावर नेऊन ठेवले, जिथे संघर्ष होता, पण त्याहून मोठी होती जिद्द आणि स्वप्नं.

लहानपणापासूनच त्यांचं आयुष्य कष्टाचं होतं. प्राथमिक शिक्षण गावातील जिल्हा परिषद शाळेत झालं, आणि इथूनच त्यांच्या जिद्दीची आणि कष्टांची सुरुवात झाली. आयुष्याला नवं वळण देण्यासाठी शिक्षणाची कास धरली, पण नियतीने त्यांच्यावर मोठं संकट ओढवलं. वडिलांच्या अकाली निधनाने कुटुंबाचा आधारच हरपला. पण त्यांच्या आईच्या हिमतीने आणि भावाच्या पाठींब्याने वैभव यांनी खचून न जाता आयुष्याला सामोरं जाण्याचा निर्धार केला.

कवित्री बहिणाबाई चौधरी उत्तर महाराष्ट्र विद्यापीठ, जळगाव येथून त्यांनी बायोटेक्नॉलॉजीचं शिक्षण घेतलं. शिक्षणासाठी केलेले कष्ट, घरच्या गरिबीचा सामना करत केलेलं अभ्यासातलं योगदान, हे सगळं त्यांना त्यांच्या स्वप्नांच्या जवळ घेऊन गेलं. शेतीच्या कष्टांशी त्यांचा नेहमीच जवळचा संबंध राहिला, म्हणूनच त्यांच्या कवितांमध्ये शेतकऱ्यांचं दुःख आणि त्यांचा आक्रोश नेहमीच जागा असतो.

वैभव यांचं साहित्य हे त्यांचं खरं आयुष्य आहे. त्यांच्या कवितांमधून व्यक्त होणारा संघर्ष, समाजाच्या वेदना आणि एका निडर मनाचा आवाज हे सगळं आपल्याला जिवंत जाणवतं. “कापसाला भाव कधी?” या त्यांच्या कवितेने राज्यभर खळबळ उडवली. शेतकऱ्यांच्या वेदना त्यांनी इतक्या ताकदीने मांडल्या की या कवितेने थेट महाराष्ट्राच्या माजी मुख्यमंत्र्यांचं लक्ष वेधलं. यानंतर त्यांच्या “भिडेवाडा” कवितेने तर समाजातील दु:ख आणि लढ्यांना एक नवा आवाज दिला.

पण वैभव फक्त एक कवी नाहीत; ते खऱ्या अर्थाने समाजसेवक आहेत. त्यांच्या शब्दांमध्ये फक्त समस्या मांडण्याचं सामर्थ्य नाही, तर त्या सोडवण्यासाठी प्रेरणा देण्याची ताकद आहे. त्यांच्या पत्नीने त्यांना आयुष्याच्या प्रत्येक टप्प्यावर आधार दिला, प्रेम आणि विश्वासाचं पाठबळ दिलं. त्यांच्या कुटुंबाचं योगदान आणि त्यांच्या स्वतःच्या मेहनतीमुळेच ते आज या ठिकाणी पोहोचले आहेत.

वैभव प्रभाकर महाजन यांचं आयुष्य म्हणजे संघर्षाचं, जिद्दीचं, आणि सकारात्मकतेचं प्रतीक आहे. त्यांच्या प्रवासाने हे सिद्ध केलं आहे की कठीण परिस्थिती कितीही असली, तरीही जिद्द आणि मेहनतीने ती परिस्थिती बदलता येते. त्यांच्या शब्दांनी, त्यांच्या कृत्यांनी, आणि त्यांच्या साध्या, पण महान जीवनाने अनेकांना प्रेरणा दिली आहे.

अशा शब्दांचा माध्यमांतून सामान्य जनतेचा आंतरमनाला भिडणाऱ्या कवीला पुढील वाटचालीस शुभेच्छा.....

© शब्दांकन: दीपक पवार (संपादक) खान्देश माझा 

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवा हीच श्रद्धा — नंदू हिरालाल चौधरी यांची गोसेवेची वाटचाल

इमेज
सेवा हीच श्रद्धा — नंदू हिरालाल चौधरी यांची गोसेवेची वाटचाल जळगाव जिल्ह्यातील धरणगाव या लहानशा गावात मध्यमवर्गीय कुटुंबात जन्मलेले मा.नंदू हिरालाल चौधरी हे नाव आज गोसेवा आणि भारतीय गोवंश संवर्धन क्षेत्रात एक आदरयुक्त प्रेरणास्त्रोत ठरले आहे. शेतकरी वडिलांच्या कष्टात वाढलेले, साधेपणात संस्कारांचे बीज घेऊन मोठे झालेले मा.चौधरी यांनी आपल्या जीवनाची दिशा लहानपणातच निश्चित केली होती. त्यांचे बालपण कष्टमय होते. घरची आर्थिक परिस्थिती सर्वसामान्य असताना ही, त्यांनी शिक्षण आणि मातापित्यांच्या कर्तव्यांमध्ये संतुलन साधले. शेतीत आई-वडिलांना मदत करत, अभ्यास करत आणि आसपासच्या सामाजिक वास्तवाचा अभ्यास करत मोठे होत असताना त्यांच्या मनात एक दृढ संकल्प निर्माण झाला."घराच्या आणि समाजाच्या उन्नतीसाठी शिक्षणाशिवाय पर्याय नाही." मात्र शिक्षणाइतकाच त्यांच्या मनाचा एक कोपरा गोसेवेच्या पवित्र भावनेने व्यापलेला होता. गायीं विषयी त्यांना लहानपणापासून अपार प्रेम होते. त्यांच्या मनात गोमातेला केवळ जनावर न मानता, ती आपली माय आहे असा श्रद्धेचा भाव होता. गायत्री परिवाराचे बालवयातच लाभलेले संस्क...
अधिक वाचा

"मातीपासून दीपस्तंभापर्यंत – प्रा. डॉ. अनंत चौधरी यांची प्रेरणादायी वाटचाल"

इमेज
"मातीपासून दीपस्तंभापर्यंत – प्रा. डॉ. अनंत चौधरी  यांची प्रेरणादायी वाटचाल"  शेतीची माती, घामाने ओले झालेलं कपाळ आणि डोळ्यांत लपलेलं शिक्षणाचं स्वप्न ही प्रा. डॉ. अनंत लालचंद चौधरी यांची खरी ओळख. चोपडा येथील एका साध्या मध्यमवर्गीय शेतकरी कुटुंबात जन्मलेले डॉ. अनंत सर आज शिक्षणाच्या क्षेत्रात एक तेजस्वी दीपस्तंभ ठरले आहेत. घरात आर्थिक सुबत्तेपेक्षा मेहनत, शिस्त आणि मूल्यांचा वारसा मोठा होता. वडील शेतीमध्ये राबत आणि आई घरकामासह शेतीची जबाबदारी ही निभावत असे. अशा वातावरणात शिक्षणाला फारसा वाव नव्हता, पण डॉ. अनंत सरांनी लहानपणातच ठरवलं होतं."आपलं आयुष्य बदलायचं असेल तर शिक्षणाशिवाय दुसरा पर्याय नाही." आई-वडिलांच्या कामात मदत करत करतच त्यांनी आपलं शिक्षण पूर्ण केलं. अभ्यास, कष्ट आणि चिकाटी या त्रिसूत्रीवर विश्वास ठेवत त्यांनी जीवनाचा प्रवास सुरू केला. त्यांना लहानपणापासूनच शिक्षक होण्याची प्रबळ इच्छा होती. पुस्तकांची ओढ, विद्यार्थ्यांप्रती असलेली आत्मीयता आणि समाजासाठी काही तरी करण्याची प्रेरणा हे सारे गुण त्यांच्या व्यक्तिमत्त्वात अगदी कोवळ्या वयातच रुजले ह...
अधिक वाचा

संकटांना सामोरे जाण्याची कला !

इमेज
संकटांना सामोरे जाण्याची कला – आत्मविश्वासाचा आणि धैर्याचा खरा परीघ आयुष्यात येणाऱ्या संकटांना घाबरून नव्हे, तर आत्मविश्वासाने आणि धैर्याने सामोरे जाण्याची खरी कला काय आहे, हे या भावनिक आणि हृदयस्पर्शी मराठी लेखातून जाणून घ्या. संकटांना सामोरे जाण्याची कला – आत्मविश्वासाचा आणि धैर्याचा खरा परीघ मित्रांनो, आयुष्य हे एक सुंदर प्रवास आहे, पण या प्रवासात काही वळणं अशी येतात, जिथे प्रकाश क्षीण होतो, आणि अंधार गडद होतो. हीच ती वेळ असते – संकटांची. ही संकटं आपल्या क्षमतेची, धैर्याची आणि संयमाची परीक्षा घेत असतात. पण खरा कलाकार तोच असतो, जो या अंधारातसुद्धा स्वतःचं प्रकाशपथ शोधतो. आपल्यापैकी प्रत्येकजण काही ना काही संकटांचा सामना करत असतो – कुणाचं नातं तुटतं, कुणाचा व्यवसाय बुडतो, कुणी जवळचं व्यक्ती गमावतो, तर कुणाच्या मनातले स्वप्नंच कोसळतात. पण एक सत्य आहे – संकटं ही टळत नाहीत, ती स्वीकारावी लागतात. आणि त्यांना सामोरं जाण्याची कला म्हणजेच आपलं खरं सामर्थ्य. कधी-कधी संकटं आपल्याला वाकवतात, पण मोडत नाहीत... माझ्या एका ओळखीचे, शांत स्वभावाचे एक गृहस्थ होते – विनायक काका. आयुष्याच्या...
अधिक वाचा