"मी यशस्वी होणारच, कारण माझं हृदय मला नेहमी पुढे ढकलतं!"

"मी यशस्वी होणारच, कारण माझं हृदय मला नेहमी पुढे ढकलतं!"

रात्र कितीही गडद असली तरी पहाट होतेच. वादळ कितीही प्रखर असलं तरी त्यानंतर शांततेची अनुभूती होते. आज परिस्थिती कठीण आहे, पण उद्या नक्कीच नवी पहाट होईल. कारण माझं हृदय मला कधीच थांबू देणार नाही.

माझ्या डोळ्यांसमोर माझं स्वप्न आहे—मी एक दिवस मोठा होणार, माझ्या आयुष्याचं एक वेगळं स्थान निर्माण करणार. लोक म्हणतील, "हा जो जिद्दी आहे, त्याने जग जिंकलं!" पण हा प्रवास सोपा नाही. प्रत्येक पावलागणिक मला अडथळे येणार, लोक हसणार, अपयश माझ्या दारात उभं राहणार, पण माझं हृदय मला नेहमी सांगणार—"थांबू नकोस!"

माझ्या वाट्याला संघर्ष आलाय, वेदना आल्या आहेत. कधी कधी वाटतं, हे सगळं सोडून द्यावं, शांत बसावं, नियतीच्या ओघात वाहत जावं. पण नाही! माझं मन मला स्वस्थ बसू देत नाही. त्याला माहित आहे, मी काहीतरी मोठं करू शकतो, मी कोणाच्या तरी प्रेरणेसाठी उभा राहू शकतो. मी आज झगडत आहे, कारण मला उद्या यशाचा आनंद उपभोगायचा आहे.

माझ्या प्रत्येक अपयशाच्या मागे एक गोष्ट आहे—प्रयत्न. मी जेव्हा एखाद्या संधीसाठी हात पुढे करतो, तेव्हा ती दारासमोर येऊन उभी राहते. पण नेमक्या त्या क्षणी लोक मला थांबवायला येतात—"अरे, हे तुला जमत नाही!", "अरे, तू कुठे आणि हे कुठे?", "लोकं काय म्हणतील?" पण माझं हृदय मात्र वेगळंच सांगतं—"लोकं काहीही म्हणू देत, तू तुझ्या स्वप्नांच्या दिशेने चालत रहा!"

मी कितीही थकलो तरी मी थांबणार नाही. कारण मला माहित आहे, थांबणाऱ्यांना काहीच मिळत नाही. मी पडेन, पुन्हा उठेन, पुन्हा धावेन, पुन्हा स्वप्नांचा पाठलाग करेन. कारण माझं हृदय मला कधीही मागे फिरू देणार नाही.

कधी कधी रात्रभर झोप लागत नाही, डोळ्यांत फक्त स्वप्न असतं. ते स्वप्न इतकं सुंदर आहे की, त्यासाठी कितीही वेदना सोसाव्या लागल्या तरी चालतील. प्रत्येक अश्रूतून मला नवं बळ मिळतं, प्रत्येक वेदनेतून माझ्या स्वप्नांचा नवा भाग उलगडतो. मला हेच वाटतं—मी एक दिवस यशस्वी होणार, कारण माझ्या धमन्यांमध्ये केवळ रक्त नाही, तर जिद्दही वाहतेय.

लोक म्हणतात, "अपयशाने खचून जायचं नसतं." पण मी म्हणतो, "अपयशाने खचायचं असतंच नाही!" कारण एकदाच नाही, हजार वेळा अपयश आलं तरी मी पुन्हा उभा राहीन. माझ्या वाट्याला आलेल्या अडचणी माझं यश लांबवू शकतात, पण रोखू शकत नाहीत.

माझं हृदय मला नेहमी पुढे ढकलतं, कारण त्याला माहित आहे, माझं भविष्य उज्ज्वल आहे. जेव्हा मी जिंकणार, तेव्हा मला हसणारी तीच माणसं माझ्यासोबत सेल्फी काढायला येणार. मी यशस्वी होणार, कारण मी माझ्यावर विश्वास ठेवतो, माझ्या मेहनतीवर प्रेम करतो, आणि माझं हृदय मला कधीच शांत बसू देत नाही.

"मी थांबणार नाही, मी हरणार नाही, कारण माझं हृदय मला नेहमी पुढे ढकलतं!"

© दीपक पवार (संपादक) खान्देश माझा