"दिलदारीचा चेहरा – पापाभाऊ दाभाडे"

"दिलदारीचा चेहरा – पापाभाऊ दाभाडे"

एरंडोलच्या प्रत्येक गल्लीत, प्रत्येक चौकात, प्रत्येक वेशीपलीकडे ही जे नाव प्रेमाने, आपुलकीने आणि हसतमुखाने घेतलं जातं ते म्हणजे “पापा.” पापाभाऊ दाभाडे… कागदावर त्यांची ओळख माजी बांधकाम सभापती अशी असली तरी, लोकांच्या मनात त्यांची खरी ओळख ही त्याहून कितीतरी मोठी आहे. ती ओळख आहे दिलदार मनाची, उबदार नात्यांची आणि निखळ माणुसकीची.

गावात कुठेही “पापा” अशी आरोळी उठली की, ती फक्त एक हाक नसते. ती विश्वासाची, जवळिकीची आणि आपुलकीची साद असते. लहान मुलं खेळाच्या मैदानात असोत किंवा वृद्ध माणसं चौकात गप्पा मारत असोत, ही आरोळी ऐकताच सगळेच थांबतात आणि लेकरांच्या उत्साहाने “हो” म्हणत प्रतिसाद देतात. कारण “पापा” हे नाव म्हणजे एक जिवंत नातं आहे, जे पदापेक्षा खूप मोठं आहे.

पापाभाऊंच्या वाट्याला आलेलं पद हे केवळ जबाबदारीचं नव्हतं, तर माणसं जोडण्याचं साधन होतं. त्यांनी रस्ते, भिंती, इमारती उभ्या केल्या, पण त्याहून महत्त्वाचं म्हणजे लोकांच्या मनांमध्ये पूल बांधले. त्यांच्या बोलण्यात कधी कटुता नव्हती, नजरेत कधी गर्व नव्हता तर प्रत्येकाशी आदराने बोलण्याची आणि त्याचं महत्त्व जाणवून देण्याची एक नैसर्गिक ताकद होती.

त्यांच्या सान्निध्यात माणसाला कधीही “मी लहान आहे” किंवा “माझी ओळख काहीच नाही” असं वाटत नाही. उलट, त्यांच्या शब्दांतून मिळालेला सन्मान आणि जिव्हाळा मनात नवं बळ निर्माण करतो. म्हणूनच आज ही पद गेलं, हुद्दा बदलला तरी पापाभाऊंच्या नावाची आरोळी एरंडोलच्या हवेबरोबर वाहत राहते.

आज त्यांच्या वाढदिवशी, एकच इच्छा त्यांच्या हास्याची ती उजळ ऊब, त्यांच्या शब्दांची ती आपुलकी, आणि त्यांच्या मनाची ती दिलदारी अशीच वर्षानुवर्षं लोकांच्या आयुष्यात आनंद पेरत राहो. कारण पापाभाऊ, तुम्ही केवळ व्यक्ती नाही, तर एरंडोलच्या हृदयाचा एक जिवंत ठोका आहात.

आज त्यांचा वाढदिवस आहे. या खास दिवशी एरंडोलच्या प्रत्येक मनात त्यांच्यासाठी शुभेच्छांची उधळण आहे. त्यांच्या हास्याची ती उजळ ऊब, त्यांच्या शब्दांची ती आपुलकी, आणि त्यांच्या मनाची ती दिलदारी अशीच वर्षानुवर्षं लोकांच्या आयुष्यात आनंद पेरत राहो, 

© दीपक पवार (संपादक) खान्देश माझा