जिथे नावही अस्मितेचं प्रतीक ठरतं...!



जिथे नावही अस्मितेचं प्रतीक ठरतं...!

गावाचं नाव म्हणजे केवळ काही अक्षरांची रचना नसते. ते त्या भूमीचा इतिहास, संस्कृती, परंपरा आणि तिथल्या माणसांचं अस्तित्व दर्शवत असतं. गावाचं नाव चुकीच्या पद्धतीने लिहिलं जाणं ही केवळ एक भाषिक चूक नसते, तर त्या गावाच्या अस्मितेवरच घाला असतो. अशाच प्रकारे जळगाव जिल्ह्यातील एरंडोल आणि पद्मालय या ऐतिहासिक व सांस्कृतिक दृष्टिकोनातून महत्त्वाच्या गावांची नावं चुकीच्या स्वरूपात सार्वजनिक फलकांवर झळकत होती.

राष्ट्रीय महामार्ग क्रमांक ६ (NH-6) वर लावण्यात आलेल्या दिशादर्शक फलकांवर ही नावं “एरंडोळ” आणि “पद्माळय” अशा चुकीच्या स्वरूपात लिहिलेली दिसत होती. या चुकीमुळे अनेक प्रवाशांमध्ये संभ्रम निर्माण होत होता, तसेच स्थानिक नागरिकांमध्येही तीव्र नाराजी होती. ही चूक फक्त अक्षरांची नव्हती, तर गावाच्या इतिहास आणि अस्मितेचा अपमान करणारी होती.

या अन्यायाविरुद्ध आवाज उठवला तो अ‍ॅड. आकाश महाजन या संवेदनशील आणि जिद्दी तरुणाने. आपल्या गावाची खरी ओळख अबाधित राहावी या उद्देशाने त्यांनी भारतीय राष्ट्रीय महामार्ग प्राधिकरण (NHAI), दिल्ली मुख्यालय तसेच जळगाव येथील प्रादेशिक युनिट यांच्याकडे याबाबत लेखी निवेदन सादर केले. त्यात त्यांनी फलकांवरील चुकीच्या नामलेखनाचा स्पष्ट उल्लेख करत योग्य दुरुस्तीची मागणी केली.

या मागणीला प्राधिकरणाकडून सकारात्मक प्रतिसाद मिळाला आणि काही दिवसांतच संबंधित दिशादर्शक फलकांवर “एरंडोल” आणि “पद्मालय” ही अचूक नावं लिहून नवीन फलक बसवण्यात आले. आता NH-6 वरून प्रवास करताना या नावांचे शुद्ध रूप सर्व प्रवाशांच्या नजरेस पडते. आणि त्या मागे उभा आहे एका युवकाचा प्रामाणिक आणि सातत्यपूर्ण प्रयत्न.

या सकारात्मक बदलाचे स्वागत करताना गावकऱ्यांनी आपल्या भावना उघडपणे व्यक्त केल्या. “आता आमच्या गावाची खरी ओळख जगासमोर योग्य रीतीने दिसू लागली आहे,” असे उद्गार ऐकायला मिळाले. ही लढाई केवळ अक्षरांची नसून, गावाच्या आत्मसन्मानासाठी होती.

अ‍ॅड. आकाश महाजन यांची सामाजिक बांधिलकी, चिकाटी आणि गावासाठीची नाळ ही नव्या पिढीला नक्कीच प्रेरणादायी आहे. अशा गोष्टी अनेकदा दुर्लक्षित केल्या जातात, परंतु जेव्हा कुणीतरी त्याकडे लक्ष देऊन योग्य पावले उचलतो, तेव्हा संपूर्ण गावासाठी तो एक अभिमानाचा क्षण ठरतो.

आज जेव्हा कोणी NH-6 वरून प्रवास करतं, तेव्हा दिशादर्शक फलकावर झळकणारं नाव जणू अभिमानाने सांगतं...

“होय, एरंडोलच!”
...आणि त्या नावामागे असतो एका जिद्दी मनाचा विजय, गावाच्या अस्मितेसाठी लढलेला एक नम्र पण ठाम संघर्ष.

© दीपक पवार (संपादक) खान्देश माझा 

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवा हीच श्रद्धा — नंदू हिरालाल चौधरी यांची गोसेवेची वाटचाल

इमेज
सेवा हीच श्रद्धा — नंदू हिरालाल चौधरी यांची गोसेवेची वाटचाल जळगाव जिल्ह्यातील धरणगाव या लहानशा गावात मध्यमवर्गीय कुटुंबात जन्मलेले मा.नंदू हिरालाल चौधरी हे नाव आज गोसेवा आणि भारतीय गोवंश संवर्धन क्षेत्रात एक आदरयुक्त प्रेरणास्त्रोत ठरले आहे. शेतकरी वडिलांच्या कष्टात वाढलेले, साधेपणात संस्कारांचे बीज घेऊन मोठे झालेले मा.चौधरी यांनी आपल्या जीवनाची दिशा लहानपणातच निश्चित केली होती. त्यांचे बालपण कष्टमय होते. घरची आर्थिक परिस्थिती सर्वसामान्य असताना ही, त्यांनी शिक्षण आणि मातापित्यांच्या कर्तव्यांमध्ये संतुलन साधले. शेतीत आई-वडिलांना मदत करत, अभ्यास करत आणि आसपासच्या सामाजिक वास्तवाचा अभ्यास करत मोठे होत असताना त्यांच्या मनात एक दृढ संकल्प निर्माण झाला."घराच्या आणि समाजाच्या उन्नतीसाठी शिक्षणाशिवाय पर्याय नाही." मात्र शिक्षणाइतकाच त्यांच्या मनाचा एक कोपरा गोसेवेच्या पवित्र भावनेने व्यापलेला होता. गायीं विषयी त्यांना लहानपणापासून अपार प्रेम होते. त्यांच्या मनात गोमातेला केवळ जनावर न मानता, ती आपली माय आहे असा श्रद्धेचा भाव होता. गायत्री परिवाराचे बालवयातच लाभलेले संस्क...
अधिक वाचा

"मातीपासून दीपस्तंभापर्यंत – प्रा. डॉ. अनंत चौधरी यांची प्रेरणादायी वाटचाल"

इमेज
"मातीपासून दीपस्तंभापर्यंत – प्रा. डॉ. अनंत चौधरी  यांची प्रेरणादायी वाटचाल"  शेतीची माती, घामाने ओले झालेलं कपाळ आणि डोळ्यांत लपलेलं शिक्षणाचं स्वप्न ही प्रा. डॉ. अनंत लालचंद चौधरी यांची खरी ओळख. चोपडा येथील एका साध्या मध्यमवर्गीय शेतकरी कुटुंबात जन्मलेले डॉ. अनंत सर आज शिक्षणाच्या क्षेत्रात एक तेजस्वी दीपस्तंभ ठरले आहेत. घरात आर्थिक सुबत्तेपेक्षा मेहनत, शिस्त आणि मूल्यांचा वारसा मोठा होता. वडील शेतीमध्ये राबत आणि आई घरकामासह शेतीची जबाबदारी ही निभावत असे. अशा वातावरणात शिक्षणाला फारसा वाव नव्हता, पण डॉ. अनंत सरांनी लहानपणातच ठरवलं होतं."आपलं आयुष्य बदलायचं असेल तर शिक्षणाशिवाय दुसरा पर्याय नाही." आई-वडिलांच्या कामात मदत करत करतच त्यांनी आपलं शिक्षण पूर्ण केलं. अभ्यास, कष्ट आणि चिकाटी या त्रिसूत्रीवर विश्वास ठेवत त्यांनी जीवनाचा प्रवास सुरू केला. त्यांना लहानपणापासूनच शिक्षक होण्याची प्रबळ इच्छा होती. पुस्तकांची ओढ, विद्यार्थ्यांप्रती असलेली आत्मीयता आणि समाजासाठी काही तरी करण्याची प्रेरणा हे सारे गुण त्यांच्या व्यक्तिमत्त्वात अगदी कोवळ्या वयातच रुजले ह...
अधिक वाचा

संकटांना सामोरे जाण्याची कला !

इमेज
संकटांना सामोरे जाण्याची कला – आत्मविश्वासाचा आणि धैर्याचा खरा परीघ आयुष्यात येणाऱ्या संकटांना घाबरून नव्हे, तर आत्मविश्वासाने आणि धैर्याने सामोरे जाण्याची खरी कला काय आहे, हे या भावनिक आणि हृदयस्पर्शी मराठी लेखातून जाणून घ्या. संकटांना सामोरे जाण्याची कला – आत्मविश्वासाचा आणि धैर्याचा खरा परीघ मित्रांनो, आयुष्य हे एक सुंदर प्रवास आहे, पण या प्रवासात काही वळणं अशी येतात, जिथे प्रकाश क्षीण होतो, आणि अंधार गडद होतो. हीच ती वेळ असते – संकटांची. ही संकटं आपल्या क्षमतेची, धैर्याची आणि संयमाची परीक्षा घेत असतात. पण खरा कलाकार तोच असतो, जो या अंधारातसुद्धा स्वतःचं प्रकाशपथ शोधतो. आपल्यापैकी प्रत्येकजण काही ना काही संकटांचा सामना करत असतो – कुणाचं नातं तुटतं, कुणाचा व्यवसाय बुडतो, कुणी जवळचं व्यक्ती गमावतो, तर कुणाच्या मनातले स्वप्नंच कोसळतात. पण एक सत्य आहे – संकटं ही टळत नाहीत, ती स्वीकारावी लागतात. आणि त्यांना सामोरं जाण्याची कला म्हणजेच आपलं खरं सामर्थ्य. कधी-कधी संकटं आपल्याला वाकवतात, पण मोडत नाहीत... माझ्या एका ओळखीचे, शांत स्वभावाचे एक गृहस्थ होते – विनायक काका. आयुष्याच्या...
अधिक वाचा